Officium parvum Conceptionis Immaculatæ

AD MATUTINUM

Eia, mea labia, † nunc anuntiate. * Laudes et præconia Virginis beatæ.
Domina in adjutorium meum intende. * Me de manu hostium potenter defende.
Gloria Patri † et Filio * et Spiritui Sancto.
Sicut erat in principio et nunc, et semper, * et in sæcula sæculorum. Amen.

Hymnus

Salve, mundi Domina, * cælorum Regina. * Salve, Virgo virginum, * Stella matutina.
Salve, plena gratia, * clara luce divina. * Mundi in auxilium, * Domina, festina.
Ab æterno Dominus, * te præordinavit, * Matrem Unigeniti * Verbi, quo creavit.
Terram, pontum, æthera, * te pulchram ornavit, * sibi Sponsam, quæ * in Adam non peccavit.

V. Elegit eam Deus, et præelegit eam.
R. In tabernaculo suo habitare fecit eam.
V. Domina exaudi orationem meam.
R. Et clamor meus ad te veniat.

V. Oremus. Sancta Maria, Regina cælorum, Mater Domini nostri Jesu Christi, et Mundi Domina quæ nullum derelinquis, et nullum despicis: respice me, Domina clementer oculo pietatis, et impetra mihi apud tuum dilectum Filium cunctorum veniam peccatorum: ut qui nunc tuam sanctam et immaculatam conceptionem devoto affectu recolo, æternæ in futurum beatitudinis bravium capiam, ipso, quem Virgo peperisti, donante Domino nostro Jesu Christo: qui cum Patre et Sancto Spiritu vivit et regnat in Trinitate perfecta, Deus in sæcula sæculorum.

R. Amen.

V. Domina, exaudi orationem meam.
R. Et clamor meus ad te veniat.
V. Benedicamus Domino.
R. Deo gratias.
V. Fidelium animæ per misericordiam Dei requiescant in pace.
R. Amen.

AD PRIMAM

Domina in adjutorium meum intende.* Me de manu hostium potenter defende.
Gloria Patri † et Filio et Spiritui Sancto.
Sicut erat in principio et nunc, et semper, * et in sæcula sæculorum. Amen.

Hymnus

Salve, Virgo sapiens, * domus Deo dicata, * columna septemplici * mensaque exornata.
Ab omni contagio * mundi præservata. * Ante sancta in utero * parentis, quam nata.
Tu Mater viventium, * et porta es sanctorum. * Nova stella Jacob, * Domina Angelorum.
Zabulo terribilis, * acies castrorum. * Portus et refugium * sis Christianorum.

V. Ipse creavit illam in Spiritu Sancto.
R. Et effundit illam super omnia opera sua.
V. Domina exaudi orationem meam.
R. Et clamor meus ad te veniat.

R. Amen.

V. Domina, exaudi orationem meam.
R. Et clamor meus ad te veniat.
V. Benedicamus Domino.
R. Deo gratias.
V. Fidelium animæ per misericordiam Dei requiescant in pace.
R. Amen.

AD TERTIAM

Domina in adjutorium meum intende. * Me de manu hostium potenter defende.
Gloria Patri † et Filio * et Spiritui Sancto.
Sicut erat in principio et nunc, et semper, * et in sæcula sæculorum. Amen.

Hymnus

Salve, arca fœderis, * thronus Salomonis. * Arcus pulcher ætheris * rubus visionis.
Virga frondens germinis, * vellus Gedeonis. * Porta clausa numinis, * favusque Samsonis.
Decebat tam nobilem * natum, præcavere * ab originali labe * matris Evæ.
Almam, quam elegerat, * Genitricem vere * nulli prorsus sinens * culpæ subjacere.

V. Ego in altissimis habito.
R. Et thronus meus in columna nubis.
V. Domina exaudi orationem meam.
R. Et clamor meus ad te veniat.

R. Amen.

V. Domina, exaudi orationem meam.
R. Et clamor meus ad te veniat.
V. Benedicamus Domino.
R. Deo gratias.
V. Fidelium animæ per misericordiam Dei requiescant in pace.
R. Amen.

AD SEXTAM

Domina in adjutorium meum intende. * Me de manu hostium potenter defende.
Gloria Patri † et Filio * et Spiritui Sancto.
Sicut erat in principio et nunc, et semper, * et in sæcula sæculorum. Amen.

Hymnus

Salve, Virgo puerpera, * templum Trinitatis. * Angelorum gaudium, * cella puritatis.
Solamen mœrentium, * hortus voluptatis. * Palma patientiæ, * cedrus castitatis.
Terra es benedicta * et sacerdotalis, * sancta et immunis * culpæ originalis.
Civitas altissimi * porta orientalis. * In te est omnis gratia, * Virgo singularis.

V. Sicut lilium inter spinas.
R. Sic amica mea inter filias Adæ
V. Domina exaudi orationem meam.
R. Et clamor meus ad te veniat.

R. Amen.

V. Domina, exaudi orationem meam.
R. Et clamor meus ad te veniat.
V. Benedicamus Domino.
R. Deo gratias.
V. Fidelium animæ per misericordiam Dei requiescant in pace.
R. Amen.

AD NONAM

Dominia in adjutorium meum intende. * Me de manu hostium potenter defende.
Gloria Patri † et Filio * Spiritui Sancto.
Sicut erat in principio et nunc, et semper, * et in sæcula sæculorum. Amen.

Hymnus

Salve, urbs refugii, * turrisque munita, * David, propugnaculis * armisque insignita.
In conceptione * charitate ignita. * Draconis potestas * est a te contrita.
O mulier fortis, * et invicta Judith! * Pulchra Abisag virgo, * verum favens David!
Rachel curatorem * Ægypti gestavit. * Salvatorem mundi * Maria portavit.

V. Tota pulchra es, amica mea.
R. Et macula originalis nunquam fuit in te.
V. Domina exaudi orationem meam.
R. Et clamor meus ad te veniat.

R. Amen.

V. Domina, exaudi orationem meam.
R. Et clamor meus ad te veniat.
V. Benedicamus Domino.
R. Deo gratias.
V. Fidelium animæ per misericordiam Dei requiescant in pace.
R. Amen.

AD VESPERAS

Domina in adjutorium meum intende. * Me de manu hostium potenter defende.
Gloria Patri † et Filio * et Spiritui Sancto.
Sicut erat in principio et nunc, et semper, *et in sæcula sæculorum. Amen.

Hymnus

Salve, horologium, * quo, retrogradiatur, * sol in decem lineis * Verbum incarnatur.
Homo ut ab inferis * ad summa attollatur, * immensus ab Angelis * paulo minoratur.
Solis hujus radiis * Maria coruscat. * Consurgens aurora * in conceptu micat.
Lilium inter spinas, * quæ serpentis conterat * caput, pulchra ut luna * errantes collustrat.

V. Ego feci in cœlis, ut oriretur lumen indeficiens.
R. Et quasi nebula texi omnem terram.
V. Domina exaudi orationem meam.
R. Et clamor meus ad te veniat.

R. Amen.

V. Domina, exaudi orationem meam.
R. Et clamor meus ad te veniat.
V. Benedicamus Domino.
R. Deo gratias.
V. Fidelium animæ per misericordiam Dei requiescant in pace.
R. Amen.

AD COMPLETORIUM

Convertat nos, Domina, * tuis precibus placatus.
Jesus Christus Filius tuus. * Et avertat irma suam a nobis.
Domina in adjutorium meum intende. * Me de manu hostium potenter defende.
Gloria Patri † et Filio * et Spiritui Sancto.
Sicut erat in principio et nunc, et semper * et in sæcula sæculorum. Amen.

Hymnus

Salve, Virgo florens, * Mater illibata. * Regina clementiæ, * stellis coronata.
Super omnes Angelos * pura, immaculata. * Atque ad Regis dexteram * stans veste deaurata.
Per te, Mater gratiæ, * dulcis spes reorum. * Fulgens Stella maris, * portus naufragorum.
Patens Cœli janua, * Salus infirmorum. * Videamus Regem * in aula sanctorum.

V. Oleum effusum, Maria, nomen tuum.
R. Servi tui dilexerunt te nimis.
V. Domina exaudi orationem meam.
R. Et clamor meus ad te veniat.

R. Amen.

V. Domina, exaudi orationem meam.
R. Et clamor meus ad te veniat.
V. Benedicamus Domino.
R. Deo gratias.
V. Fidelium animæ per misericordiam Dei requiescant in pace.
R. Amen.

COMMENDATIO

Supplices offerimus * tibi, Virgo pia.
Hæc laudum præconia. * Fac nos ut in via.
Ducas cursu prospero, * et in agonia. *
Tu nobis assiste, * o dulcis Maria.

Antiphona

Hæc est virga in qua nec nodus originalis, nec cortex actualis culpæ fuit.

V. In conceptione tua, Virgo immaculata fuisti.
R. Ora pro nobis Patrem, cujus Filium peperisti.

V. Oremus. Deus, qui per immaculatam Virginis conceptionem dignum Filio tuo habitaculum præparasti, quæsumus, ut qui ex morte ejusdem Filii tui prævisa, eam ab omni labe præservasti, nos quoque mundos ejus intercessione ad te pervenire concedas. Per eundem Dominum nostrum Jesum Christum Filium tuum: Qui tecum vivit et regnat in unitate Spiritus Sancti, Deus per omnia sæcula sæculorum.

R. Amen.